VOV4.Mnông-Kêng măng nar 6/12, ta ntŭk kan chính phủ, groi Thủ tướng Lê Minh Khái, kruanh rmôt kan mbrô 2 bâh Thủ tướng chính phủ mpeh ntrôl dăng pă prăk ntuh kơl nsum leo kan rơh rƀŭn nchră trực tuyến đah ăp n’gâng kan Trung ương n’hanh 6 ntŭk kkan ta nkuăl ƀon têh Cần Thơ, Long An, Trà Vinh, Hậu Giang, Sóc Trăng, Kiên Giang gay ma doh rklaih ăp nău jêr jŏt kŏ văk gay ma ntrôl ngăch pă prăk ntuh kơl nsum năm 2021. Ntoh ngơi ta rơh rƀŭn nchră, groi Thủ tướng Lê Minh Khái uănh năl, năm aơ yor geh nău khuch tât bâh nuh srê Covid-19 tâm nĕ geh ăp n’gor ta nkual Đồng bằng Sông Cửu Long geh nău tât hô, ndrel đah ăp nău tât mô ueh jêng nău pă prăk ntuh kơl nsum hôm nha mbrơi, rnoh prăk ODA kanŭng geh 29% đah nău nchrăp. Groi Thủ tướng dăn đă, ăp n’gâng kan Trung ương, nuĭh leo kan 6 n’gor nkuăl ƀon têh mbơh tơih răng dăng ăp Nghị quyết bâh Chính phủ ntrôl dăng pă prăk ntuh kơl nsum tĭng di nău nchrăp lĕ geh mbơh ton, tĭng nĕ rgum uănh nđôi ta ăp nău nchrăp kan uănh ntŭk nău kŏ văk gay ma doh rklaih dâl, ngăn lah leo kan pah kan đah ăp ntŭk ntuh kơl đă an geh mât đăp mpăn tâm di nău ngăch kan, nkre lah doh rklaih năp nău jêr jŏt kŏ văk ntoh luh tâm rnôk ƀư nău kan.

Nuĭh rblang: Thị Đoắt