VOV4.M'nông: Nar 5/1, Công an n'gor Gia Lai ƀư tâm nchră n'glôch jêh pah kan năm 2021, an ƀư bôk nău kan năm 2022. Uănh năl pah kan năm 2021, Công an n'gor Gia Lai  hŏ an ƀư jăp ăp nău kan, rnoh âk ôp uănh, lơh joi nuĭh tih rlău 85,3%, nău tih jru, dŭt jru hô lah rlău 90,65%.

Tâm năm, mpôl công an hŏ nhŭp, rgŏ jă hăn luh mbơh êng nău tih 116 nuĭh ƀoi tĭng nău tih, tâm nê geh 41 nuĭh dŭt djơh janh; lơh chrai âk ntŭk rgum, trong hăn nchuăn rdeng, mât prăp, tăch rvăt, dŏng mô geh nău way ma túy. Nô nău tâm tom ndeh hŏ hŭch ta lĕ pe rnoh. Tâm pah kan tâm rgop njrăng, n'gang nuh srê Covid-19, Công an n'gor Gia Lai hŏ rgum hang rbăn tơ̆ cán bộ, tahen tĭng ƀư nău kan. Năm 2022, Công an Gia Lai rgum an ƀư ăp kôp ăp trong nkra mât đăp mpăn rnă njrăng; n'hao dăng rlăch ndăng nuĭh tih bah tâm dâng; nkoch trêng, rgŏ jă gay bah ir ntoh luh nuĭh tih; nkre ƀư jăp tay pah kan rgŏ jă, đăp mpăn rnă njrăng ƀon lan./.

Nuĭh rblang: Điểu Thân