VOV4.M’nông: Tâm rơh rƀŭn nchră bah rmôt ntoh măt mpeh nau nchrăp nau ntrŭnh mpeh prăk kaih kơl an ntrŭnh ƀư Bôk nau kan ndâk ndrel hun hao văng sa rêh jêng, geh tât nau kan ntuh kơl nsum, wa Trần Hoàng Ngân-Kruanh viện mĭn njêng ntrŭnh ƀư hun hao nkuăl ƀon têh Hồ Chí Minh ân lah: tâm rnoh 2 rkeh 870 rbăn rmen ntuh kơl nsum bah lam dak lvang năm 2021-2025, hôm nklăp 297 rbăn rmen ê geh ntop pă, ân dŏng ân ntuh kơl ân ăp nkuăl mra geh nau n’hao tơm prăk. Tĭng wa Trần Hoàng Ngân, nkuăl geh nau n’hao tay rnoh prăk soay lah Đông Nam bộ. Nchrăp tâm năm 2022, rnoh prăk soay bah lam dak lah du rkeh 500 rbăn rmen ri nkuăl Đông Nam bộ geh tât 40%. Rnôk aơ, n’gâng kan gung trong nchuăn rdeng hŏ ndơ̆ ân Quốc hội 12 nau nchrăp kan dŏng tơm prăk ntuh kơl nsum tâm trong Bắc-Nam. Tâm nê, nkuăl Đông Nam bộ ndrel Đồng bằng sông Cửu Long knŭng 2 nau kan, tâm rnôk aơ trong hăn mpeh ba dâng mô nâp rđil đah nkuăl mpeh ba lơ./.

Nŭih rblang: H’Thi