VOV4.M'nông: Gay đăp mpăn tŏng ăp điện tâm rnôk Tết Dương lịch n'hanh Tết Nguyên đán Nhâm Dần 2022, Tập đoàn Điện lực Việt Nam (EVN) đă ăp đơn vị mô an rlu, koh n'hŭch pă an điện ƀư roh điện an nuĭh dŏng, mô kơp nkra nău tât khuch tâm ăp nar Tết Dương lịch (ntơm bah klong măng 31/12/2021 tât 24 mông nar 03/01/2022), Tết Nguyên đán Nhâm Dần 2022 (ntơm bah klong măng 30/01/2022 tât lĕ 24 mông nar 03/02/2022). Ndrel đah ƀư gŭ kâp njrăng kruanh rđău kan, kâp njrăng uănh nchuăt, nkra điện 24/24h tâm ăp nar Lễ, Tết, EVN đă ăp đơn vị nchrăp ăp tŏng ndơ ntrŭp dŏng, ndơ dŏng ôp ngơi n'hanh ndeh rklư rsong hăn, nkra ngăch ăp nău tât khuch ntoh luh. Njrăng uănh tât rnoh kơl drăp ndơ, nuih n'hâm an mpôl gŭ kâp njrăng tâm rnôk Tết Dương lịch n'hanh Tết Nguyên đán 2022. Tâm rnôk an ƀư, njrăng uănh tât trong njrăng n'gang nuh srê COVID-19 tĭng nău rđău đă Bộ Y tế, ăp nhih pah kan dơi kan ta n'gor n'hanh nău rđău đă bah EVN.

Nuĭh rblang: Điểu Thân