VOV4.M'nông: Rlău 1 khay an ƀư Nghị quyết 68 bah Chính phủ n'hanh nău N'glêh an 23 bah Thủ tướng Chính phủ mpeh du đêt trong ntop kơl nuĭh kan n'hanh nuĭh tơm dŏng nuĭh kan dôl mâp jêr jŏt tă bah nuh srê Covid-19, tât aƀaơ, n'gor Dak Lak ntop kơl bơi 49 rbăn tơ̆ nuĭh đah lĕ rngôch rnoh prăk bơi 18,2 rmen prăk. N'gor Dak Lak hŏ tĭng ƀư dơi 8/11 rmôt dơi kơl tĭng di quy định. N'gor dôl ôp uănh tay ăp tŏng lam lĕ rngôch tĭng ƀư rmôt ntop kơl nuĭh kan mô geh tâm ton kan n'hanh ntop kơl rnăk tăch rgâl. Êng đah trong ntop kơl nuĭh tơm dŏng nuĭh kan ntĭm nti, kơi năp nău gĭt blău hăr ti kan gay mât nău kan an nuĭh kan ri aƀaơ mô hŏ geh du nhih pah kan dăn đă ntop kơl. Nău kol dŭt têh aƀaơ lah nău ôp uănh tay ăp tŏng lam lĕ rngôch ăp nuĭh dơi kơl. Dak Lak aƀaơ geh dŭt âk nuĭh ƀon lan ta ăp n'gor êng sĭt, ăp n'gor dja aƀaơ dôl an gŭ srang ngai lam rêh jêng kon nuĭh jêng nău tâm rđĭl nchih rgum ôp uănh tay ăp tŏng lam lĕ rngôch mâp âk jêr jŏt. Yơn lah, n'gor dôl nsrôih tĭng ƀư ăp trong nkra gay đăp mpăn ntop kơl ngăch, năn n'hanh di nuĭh./.

Nuĭh rblang: Điểu Thân