VOV4.M'nông: Nar 10/12, ăp nkuâl ta n'gor Dak Lak hŏ ntơm an ƀư chuh vaccine njrăng n'gang Covid-19 an kon se nti Trung học cơ sở đah rnoh năm deh ntơm bah 12 tât 15 năm deh. Lĕ rngôch kon se nti Trung học cơ sở dơi chuh vaccine rơh dja nklăp 120 rbăn nuĭh, pah kan chuh n'gang dơi tĭng ƀư dah geh chuh lĕ tât ntŭk nê ntơm bah prêh jŭr dêh tĭng năm deh.

Tĭng nê, tâm pơh dja, ăp kon se nti jrô 8 n'hanh jrô 9 mbra ƀư chuh lor, tât pơh bah kơi tay mbra chuh tay an kon se nti jrô 7 n'hanh ăp kon se nti jrô 6 tŏng 12 năm deh. Gay đăp mpăn pah kan njrăng n'gang nuh srê COVID-19, tĭng ƀư di nău way 5K, n'gâng kan dak si Dak Lak hŏ pah kan na nê̆ đah ăp nhih nti, ƀư mbơh an tĭng me bơ̆ kon se nti njŭn kon se tât ăp ntŭk chuh vaccine tĭng mông đă hăn, der rgum âk nuĭh. Nkre, tâm pă mpôl kan tĭng groi nđôi nău tât ji lôch chuh n'hanh ndeh rdeng kơl săm ji gŭ kâp gay nkra ngăch ăp nuĭh geh tâm rdil dak si lôch chuh./.

Nuĭh rblang: Điểu Thân