VOV4.M’nông – Rnôk aƀaơ hin, ta n’gor Dak Lak mhe knŭng geh 7 tâm rnoh rlău 800 doanh nghiệp dơi uănh, lĕ manh geh prăk kơl an tĭng nghị quyết 68/NQCP mpeh nău kơl nuĭh pah kan n’hanh nuĭh dŏng pah kan mâp jêr jŏt yor srê Covid-19. Nkô̆ nău lah ăp daonh nghiệp đêt rwăt bảo hiểm an nuĭh pah kan, du nău đă gay dơi manh prăk. Na nê̆ Dak Lak mhe geh 4 doanh nghiệp ta Nkual ƀon têh Buôn Ma Thuột n’hanh 3 doanh nghiệp ta ăp nkuăl, nkual têh dơi manh prăk ta Ngân hàng Chính sách xã hội n’gor đah dĭng lĕ lah 1.042 rkeh prăk. Cán bộ an manh prăk bah ngân hàng lĕ gĭt tât 800 doanh nghiệp geh rwăt bảo hiểm xã hội an nuĭh pah kan ta n’gor, n’hanh gĭt saơ rnoh nuĭh pah kan dơi rwăt bảo hiểm xã hội dŭt đêt nkôp đah nuĭh pah kan ngăn, jêng tât rnoh prăk dơi manh tĭnh nău ntrŭnh dŭt đêt đŏng.

Nŭih rblang: Y Sưng Phê Ja