VOV4.M’nông: Ôi lơ 8/12, rơh rƀŭn tal III, HĐND n’gor Dak Lak gưl X, năm kan 2021-2026 hŏ ntơm ƀư. Năm 2021 lah năm rdâng đah âk nau jêr, nau ntul rlong yor srê Covid-19 lơh. Yơn lah, lôch năm 2021, Dak Lak geh 8 nkô̆ nau geh ndrel rlet nau nchrăp, nau hun hao văng sa rêh jêng âk (hao 5,1% rđil rơh aơ năm e), nau geh soay ndrel rgum tơm prăk lam nau rêh geh rlet nau nchrăp luh, nchrăp geh rlau 8000 rmen (hao 10% rđil nau nchrăp HĐND n’gor jao), rnoh ntŭk pah kan tăch rgâl plơ̆ pah kan tay hao âk, nau pă ndoh ndơ tâm n’gor geh đăp mpăn, nau kan ntĭm nti, mât chăm n’hâm soan ân ƀon lan, nau rêh jêng, n’huch ach o, kơl an nŭih ƀon lan mâp nau jêr yor srê Covid-19 geh kơl an ƀư...

Ntoh nau ta nar rđau rơh rƀŭn, wa Nguyễn Đình Trung, Uỷ viên Trung ương Đảng, Bí thư n’gor uỷ Dak Lak đă: Rơh tât, ăp gưl kan, rmôt kan, nkuăl lŏ mât ân nâp nau rđau kan, rđau đă bah Trung ương tâm ăp nau kan gay ma ntrŭnh ƀư ân săk tam nau ntrŭnh Đại hội tam dak tal XII ndrel nau ntrŭnh Đại hội Đảng bộ n’gor tal XVII, ngăn lah, rgum ƀư nau ntrŭnh, geh săk tam bah nau ntrŭnh mrô 128 năm 2021 bah Chính phủ./.

Nŭih rblang: H’Thi