VOV4.M’nông – N’gâng kan tuch tăm mât rong n’hanh hun hao ƀon lan n’gor Dak Lak lĕ ƀư Rƀŭn nchră n’glôch jêh năm 2021, mbơh ƀư nău kan năm 2022. Tĭng nău mbơh ta rƀŭn, năm 2021, bôl mâp âk jêr jŏt tă bah srê Covid-19, nu nău srê tâm mât rong hôm e geh, rnoh khlay, soan tăch du đêt ndơ lŏ mir mô đăp mpăn yơn ăp rnoh an rgum lĕ bah nău kan tuch tăm geh da dê n’hanh rlău nău nchrăp.

Ndơ lŏ mir Dak Lak 

Tâm nĕ, rnoh khlay dĭng lĕ ndoh ndơ lŏ mir, si, tui ka hao bơi 4% nkôp đah năm 2020; tăm bri geh rlău 146% trong nchrăp; nuh srê ta tơm tăm, mpa rong ntơm dơi uănh nđôi; rnoh xă geh tâm di ƀon lan mhe lah rlău 46%. Ăp săk rnglăy aơ lĕ rgop khlay an hao jêng n’hanh hun hao wăng sa-rêh jêng nsum bah n’gor. Tĭng N’gâng kan tuch tăm mât rong n’hanh hun hao ƀon lan n’gor, năm 2022 Dak Lak nsrôih tay ntrôl dăng dăp rgâl nău kan lŏ mir, n’gluh an n’hanh ƀư tĭng an dơi nău rƀŏng hao jêng 4,56%.

Nŭih blang: Y Sưng Phê Ja