VOV4.Mnông- Tĭng nău kơp bâh ntŭk kan lao động thương binh xã hội n’gor Dak Lak, bâh khay 7/2021 tât aƀaơ, lam n’gor geh rlău 75 rbăn nuĭh ƀon lan bâh ăp n’gor êng plơ̆ sĭt. Êng bâh bôk khay 10 tât aƀaơ, geh bơi tât 26 rbăn nuĭh. Tâm nĕ dŭt âk lah nuĭh dôl pah kan ta ăp nkual công nghiệp ta Bình Dương, Đồng Nai, nkuăl ƀon têh Hồ Chí Minh.

Gay ma kơl an rmot aơ, ntŭk kan lĕ tâm rgpop đah ăp ntŭk geh nău ŭch dŏng nuĭh pah kan gay ma tâm rgop nău ŭch kan, dŏmng kan rnôk ma ngih máy pah kan jan sa kơt ơm tay lôch tă geh nuh srê. Êng đah ăp nuĭh pah kan geh ŭch pah kan ta ntŭk, n’gor đă ntŭk kan lao động ăp nkuăl, nkuăl têh rgum lĕ rnoh săk ŭch kan gay ma rdâk njêng nău kan kơl an tâm di. Bâh nău mĭn kan Nghị quyết 128 bâh chính phủ nkre njrăng srê nkre ndâk nsơm nău wăng sa  ta Dak Lak. đah ăp nuĭh ŭch gŭ tay, ta ntŭk mbra geh uănh năl ăp ntrong kan kơl nău kan an tâm di, kơl an nău rêh đăp mpăn tâm nău rêh mhe kơt ơm tay.

Nuĭh rblang: Thị Đoắt