VOV4.Mnông-Nar 18/10, mpôl pah kan uănh nđôi bâh n’gâng kan lao động thương binh n’hanh xã hội lĕ geh rơh pah kan đah UBND n’gor Dak Lak mpeh nău kan kơl an nuĭh ƀon lan, doanh nghiệp, nuĭh pah kan n’hanh nuĭh dŏng nuĭh kan mâp jêr jŏt yor nuh srê Covid-19.

Ndơn kan ta Dak Lak hôm nha mbrơi mbơh ƀư nău kan, mô geh nău tâm rgop. ƀư tĭng Nghị quyết 68 bâh Chính phủ, kơp tât nar 26/10, n’gor Dak Lak lĕ an dŏng bơi tât 3 rbăn nuĭh dŏng nuĭh pah kan, klâp ma 55 rbăn nuih pah kan dơn đah rnoh prăk 29 rmen prăk. Bâh nĕ, lĕ trok an lĕ rngôch nuĭh pah kan, klâp ma 48 rbăn nuĭh pah kan đah klâp ma rlău 21 rmen prăk. Du đê̆ rmôt kan kơl an n’gor Dak Lak lĕ geh ƀư ueh nău kan, yơn lah, du đê̆ rmôt kan kơl an lĕ mbơh kơl âk yơn rnoh pă an mô âk kơt lah: Nău kơl an nuĭh pah kan mô geh tâm ton kan, lĕ an rlău 9.400 nuĭh, yơn lah mhe kơl an klâp ma 3 rbăn nuĭh đah rlău 3,8 rmen prăk, rnoh prăk pă an 35%, kơl an nuĭh pah kan mô hôm kan ƀư tĭng nău tâm ton kan, rlu kan mô dơn prăk khay lĕ an dŏng 357 nuĭh, mhe trok  an 173 nuĭh, rnoh trok an 47%. Mpôl kan lĕ đă n’gor Dak Lak an geh rgâl nkra an tâm di gay ma kơl an ăp nuĭh geh nău khuch yor nuh srê Covid-19.

Nuĭh rblang: Thị Đoắt 

A