VOV4.M’nông: Lơ 30/12, n’gor Dak Lak ƀư rƀŭn lôch 20 năm ƀư nau ntrŭnh mrô 13.2002 bah Rnâng kan rđau kan Trung ương Đảng gưl IX mpeh nau lŏ rgâl mhe, hun hao ndrel n’hao nau săk tam nau văng sa rgum nsum, 10 năm ƀư tĭng Luật tâm boh nau kan. Mbơh nau ta nar rƀŭn, rlau 20 năm ƀư kan, lam n’gor geh 608 ntŭk ƀư nau kan, tâm nê geh 390 ntŭk tâm boh nau kan ƀư kan tuch tăm, 218 ntŭk tâm boh nau kan bah dih nau kan tuch tăm.

Văng sa tâm boh nti pă nau kan ân 21.000 nŭih, nau geh hao ntơm 10 tơ̆ tâm rnôk aơ. Ntoh nau ta nar rƀŭn, wa Nguyễn Đình Trung, Uỷ viên Trung ương Đảng, Bí thư n’gor uỷ Dak Lak đă ăp n’gâng kan, ntŭk kan bah n’gor lŏ ntrŭt dăng nau kan nkoch trêng, bonh đă gay n’hao nau gĭt rbăng mpeh văng sa nsum, tâm boh nau kan, năn doh rklaih ăp nau jêr, nau kol, pơk trong nơih ueh ngăn ân nau tâm boh nau kan nsum hun hao. Ndâk ăp nau kan văng sa rgum nsum ntil mhe tâm ban đah rnôk cách mạng công nghiệp 4.0./.

Nŭih rblang: H’Thi