VOV4.M’nông: Ƀư tĭng nau rđau bah rmôt kan Điện lực Việt Nam mpeh nau n’huch rnoh prăk điện, prăk điện ân ăp ntŭk kan, êng nŭih geh nau khuch yor srê Covid-19, Công ty điện lực Dak Lak dôl ntrŭnh nau nchih moh săk ăp ntŭk gŭ rlu nau kan pâl n’aih, ăp ntŭk nkhah rgum nsum, ntŭk khám săm ji ân nŭih ntôn ntưp, nŭih dôl ntưp srê gay ma kơl an tĭng nau ntrŭnh. Nar geh kơl prăk điện ndrel n’huch prăk điện ân năch geh kơp tâm rnôk háo đơn prăk điện khay 6 tât rơh hoá đơn prăk điện khay 12/2021.

Tĭng nau nchrăp bah công ty Điện lực Dak Lak, rnoh prăk nchrăp kơl rlau 5 rmen. Ăp ntŭk gŭ rlu năch mra geh n’huch ntơm rnoh prăk điện tăch rgâl jêng rnoh prăk điện ê nkra. Mô geh sŏk prăk đah ăp ntŭk dôl ma ƀư ntŭk nkhah, khám săm ji rgum ân nŭih ntôn ntưp, nŭih ntưp srê Covid-19, n’huch 20% prăk điện ân ăp ntŭk kan dak si dôl ƀư gay ma khám, xét nghiệm, săm ji ân nŭih ntôn ntưp, dôl ntưl srê Covid-19./.

Nŭih rblang: H’Thi