VOV4.M’nông-Ôi nar 21/12, ta xã n’har bri Ia Lôp, nkuăl Ea Sup, n’gor Dak Lak, ndơn kan an Bộ đội Biên phòng n’gor tâm rgop đah n’gâng kan ta ntŭk, ăp nuĭh lŏng nuih n’hâm leo ƀư sa nkra Trạm xá quân dân y tâm rgop kan ndrel, kơl an nău rêh jêng n’hanh pă ndơ, uănh săm ji pă dak si mô sŏk prăk an nuĭh ƀon lan nkual n’har bri. Aơ lah nău kan kahgĭt 77 năm nar njêng Quân đội nhân dân Việt Nam n’hanh nar mât đăp mpăn ngih dak lam ƀon lan 22/12, tĭng nău mbơh bâh thượng tá Phạm Minh Tuyên- groi chỉ huy kruanh BCH Bộ đội biên phòng Dak Lak, aƀaơ ntŭk kan mât uănh trong n’har bri jong 73km, đah 4 xã ta 2 nkuăl Ea Sup, n’hanh Buôn Đôn, bơi tât 42% rnoh nuĭh lah ƀon lan rnoi đê̆.

Tâm  nău kan mât kơl ƀon lan, rdâk njêng nâp nâl nău knơm bâh ƀon lan, bộ đội n’har bri Dak Lak lĕ ƀư leo âk bôk nău kan mât đăp mpăn rnă njrăng rêh jêng, kơl an hun hao wăng sa n’hanh mât chăm săk soan.

Nuĭh rblang: Thị Đoắt