VOV4.M’nông: Lơ 5/1, Rnâng kan n’gor uỷ Dak Lak ƀư rơh rƀŭn trực tuyến ntrŭnh nau bah Trung ương ndrel n’gor uỷ ân cán bôk tơm bah n’gor. Tĭng wa Phạm Minh tấn, Groi Bí thư Rnâng kan n’gor uỷ Dak Lak, bah năp nau tât bah srê Covid-19, n’gor uỷ, HĐND, UBND n’gor hŏ uănh năl ăp nau jêr, nau ntul rlong ndơ̆ luh ndrel năn ntrŭnh, rgâl, ntop, pă âk nau ntrŭnh gay ma rđau, đă ƀư ueh “nkô̆ nau 2 ntil kan” nkre njrăng rdâng srê, nkre mât, hun hao văng sa rêh jêng. Lôch năm 2021, nau hun hao văng sa geh 5,1%, GDP bôk nŭih geh bơi tât 50 rkeh/nŭih.

 Rnoh geh tăch luh ndoh ndơ rlau 1.100 rkeh đola. Tâm nar rƀŭn aơ, cán bộ tơm bah n’gor Dak Lak mra geh ntĭm nti, nkoch mbơh, ntrŭnh 12 nau ntrŭnh bah Trung ương ndrel n’gor geh tât ăp nkô̆: n’hao nau rđau đă tâm nau njrăng rdâng srê Covid-19 tâm rơh mhe, nau ƀư rklaih phong lah mhal Đảng, lôch nau nchră bah Bộ chính trị mpeh nau bonh đă cán bộ blau, ƀư nau geh mhe nsum, rđau ƀư bah Rnâng kan rđau kan n’gor mpeh nau n’hao nau blau ân Đảng viên tâm rnôk aơ ndrel ăp năm ba kơi./.

Nŭih rblang: H’Thi