VOV4.M’nông -  Dak Lak mbra nsrôih rgŏ jă ăp nuĭh gay mĭn uănh an nuĭh ach o, ntop kơl nuĭh ach o dơi wơt Tết tŏng ăp. Aơ lah ngoăy tâm ăp nkô̆ nău dơi Mặt trận Tổ quốc Việt Nam n’gor Dak Lak rgŏ jă ta rƀŭn nchră n’glôch jêh trong kan năm 2021, mbơh ƀư bôk nău kan tâm rgop tâm ban ŭch ƀư năm 2022 ƀư nar 28/12.

N’gor Dak Lak nsrôih an ăp nuĭh mô lan, ngăn lah nuĭha ch o dơi wơt Tết tŏng ăp.

Tĭng nău mbơh ta rƀŭn nchră, tâm năm bah năp, Ủy ban Mặt trận Tổ quốc Việt Nam ăp gưl n’gor Dak Lak lĕ ntrôl dăng nkoch trêng, rgŏ jă nuĭh ƀon lan ƀư ăp trong njrăng n’gang srê Covid-19. Nău rgŏ jă n’hanh ƀư wơt dơn prăk rlău 35,3 rmen prăk, ăp ndoh ndơ dak si n’hanh ndơ dŏng kơl trong kan njrăng n’gang srê Covid-19 ta n’gor. Wa H’Kim Hoa Byă, Kruanh Ban Dân vận N’gor ủy, Kruanh Ủy ban Măt trận Tổ quốc Việt Nam n’gor Dak Lak an gĭt, đah ăp jêr jŏt yor khuch hô bah srê Covid-19, năm tât, Mặt trận ăp gưl mbra rgŏ jă ăp nuĭh gay ntop kơl n’hŭch oi jêr jŏt an nuĭh ach o n’hanh ăp nuĭh mô lăp. Bah năp măt nsrôih mĭn uănh gay ăp nuĭh ƀon lan, ngăn lah nuĭh ach o dơi wơt Tết tŏng ăp.

Nuĭh rblang: Y Sưng Phê Ja