VOV4.Mnông- Rhnâng kan ntĭm leo pă mham tâm kơl n’gor Dak Lak tâm rgop đah ăp ntŭk kan lĕ ntơm ƀư bôk nău kan pă mham tâm kơl nar pơh gŭr năm 2022. Bôk nău kan lĕ geh rlău 220 đơn vị mham ta rơh vơt kan bôk năp ta nar 8/1.

Tĭng wa Nguyễn Đức Phú- Chánh văn phòng rnâng kan rgŏ jă pă mham tâm kơl n’gor Dak Lak, aƀaơ, nău nuh srê Covid-19 hôm nha geh ntưp jêr njrăng, mbra geh roh rui rnoh mham nkrem kơl dŏng săm nuĭh ji tâm năm, tâm ban kơt ta rơh tết Nguyên đán tât tay. Tĭng nău nchrăp, tâm khay 1 aơ, mbra geh ƀư pă 6 rơh pă mham, nchrăp dơn klâp ma 2.500-3 rbăn đơn vị mham. Rnoh mham geh mbra ndơ̆ an Viện huyết học n’hanh pă mham trung ương klâp ma 1 rbăn đơn vị mham, hôm e ta n’gor mbra ntêm nkrem tay klâp ma 2 rbăn gay ma kơl an săm ta rơh tết Nguyên đán.

Nuĭh rblang: Thị Đoắt