VOV4.Mnông- UBND n’gor Dak Lak mhe ntrŭnh Chỉ thị đah 9 rmôt nău kan tơm khlăy geh ƀư tâm năm nti 2021-2022. Tĭng nĕ, ta meng nău leo kan rdâk njêng n’hanh mbơh tơih nău nchrăp năm nti mhe 2021-2022 tâm di đah nău nuh srê Covid-19 ta ntŭk, ăp ngih nti an geh uănh nđôi koh n’huch n’hanh dŏng mpêt nkrem ăp rnoh prăk kan gay ma mât đăp mpăn, mô n’hao rnoh prăk nti đah năm 2020-2021, geh nău kơl , n’huch rnoh prăk nti, kơl ngăch an săm ƀŭt giáo khoa đah ăp oh kon se geh nău rêh jêr jŏt, mô an geh nău sŏk âk prăk ta bôk năm nti.

Kruanh leo kan n'gâng kan ntĭm nti n'gor Dak Lak tâm mâp kon hoc, sinh viên

Đah ăp nkual jêr jŏt, nkual yôk mô geh dơi nău nti trực tuyến, ngih nti tâm rgop đah mê̆ bơ̆ kon hoc ƀư an kon hoc nti đah ăp nău ơm dơi geh gay ma lôch nău nchrăp tâm năm nti, mât đăp mpăn ueh di nău nti, mô nti trực tuyến đah mầm non, rgum tâm rgop, ntĭm nti, kơl an mê̆ bơ̆ kon hoc mât nti oh kon se ta jay nơm an tâm di.

Nuĭh rblang: Thị Đoắt