VOV4.Mnông – Groi Kruanh UBND n’gor Dak Lak H’ Yim Kđoh mhe ký an mpeh nău pă phe kơl ji ngot an nuĭh ƀon lan khay tuch tăm bôk năm 2021. Tĭng nĕ, lam n’gor dơi pă rlău 854 tấn phe yor Chính phủ pă bah ndơ ntêm nkrem ngih dak kơl ji ngot an nuĭh ƀon lan tâm rơh aơ. 13 ntŭk dơi dơn phe geh ăp nkuăl: Buôn Đôn, Cư M’gar, Ea Kar, Ea Súp, Ea H’leo, Krông Ana, Krông Bông, Krông Búk, Krông Năng, Krông Pắc, M’Đrắk, Lắk n’hanh nkuăl têh Buôn Hồ. UBND n’gor jao an N’gâng kan Lao động-thương binh n’hanh xã hội ƀư tơm, tâm rgop đah Ntŭk ntêm nkrem ndơ Ngih dak nkual Nam Tây Nguyên, ăp n’gâng kan nău kan geh tât ƀư jao phe an ăp ntŭk, mbơh ƀư pă phe tŏng ăp ngăch, di nău ntrŭnh. Tâm rnôk ƀư jao sŏk n’hanh pă, uănh khlay tŏng ăp trong kan njrăng n’gang srê Covid-19.

Nuĭh rblang: Y Sưng Phê Ja