VOV4.M'nông: Ôi (15/12), ta nkual ƀon têh Buôn Ma Thuột, UBND n'gor Dak Lak n'hanh mpôl kan mât mpô mpa bri Châu Á hŏ ƀư lễ ký ton tâm boh mpeh rgâl jêng trong ntĭt leo pâl nđaih dêh bên đah rveh. Tĭng nău tâm boh, n'gor Dak Lak mbra mpăng đêt dŏng prơ, rƀŏng tât mô ƀư ăp nău kan khuch tât rveh ƀon lah: Pâl nđaih ncho rveh; ăp rơh tâm rlong kơt re, rveh chưng play, tâm rlong nchuăt, rveh tâm rlong têk rse, rveh hăn âk mông ta njăr trong dak chai mô lah bê tông, mô lah dŏng rveh gay mpơl tay ăp rơh nchron pănh n'hanh rđăp rveh.

UBND n'gor Dak Lak mbra nta trong dơh an mpôl kan mât mpô mpa bri Châu Á ƀư njêng prăk nkrem ta n'gor tĭng di rêng pháp luật, jao Sở Nông nghiệp n'hanh Phát triển Nông thôn ƀư nhih pah kan bôk tơm dơn nău kan nsum đah mpôl mât bôk kan mpô mpa bri Châu Á n'hanh ăp nhih pah kan geh tât ndrel ăp rnăk mât rveh gay rdâk njêng n'hanh ƀư lôch jêh ăp tŏng trong nkra, trong ntĭt leo pâl nđaih dêh bên đah rveh, hao mbơh rblang lor rnôk an ƀư./.

Nuĭh rblang: Điểu Thân