VOV4.M'nông: Bộ Lao động-Thương binh n'hanh Xã hội mhe geh si ƀŭt njuăl Thủ tướng Chính phủ dăn đă ntop kơl phe kơl ji ngot nuĭh ƀon lan geh tât khuch nuh srê COVID-19 an ăp n'gor tĭng ƀư gŭ srang ngai êng lam rêh jêng kon nuĭh. Tă bah rơh nuh srê COVID-19 tâl 4 ntoh luh lơh khuch hô tât nău rêh, nău kan bah nuĭh ƀon lan n'hanh nuĭh kan, lơn lah đah ăp nuĭh geh an gŭ srang ngai êng, rlu lĕ nău kan, geh roh nău kan, roh nău geh wăng sa... mô đăp mpăn tŏng ăp nău rêh geh ma nău mô tŏng ji ngot. Kêng măng nar 18/8, Bộ Lao động-Thương binh n'hanh Xã hội hŏ mbơh dăn Thủ tướng Chính phủ ntop kơl lĕ rngôch 130.175 tấn phe gay kơl ji ngot an rlău 8,6 rkeh nuĭh mpeh 24 n'gor, geh tât khuch bah nuh srê COVID-19. Rnoh ntop kơl ăp nuĭh lah 15kg phe jŏ tâm du khay./.

Nuĭh rblang: Điểu Thân