VOV4.M'nông: Tĭng Cục thống kê Gia Lai, năm 2021, ngăch hun hao wăng sa geh 9,71%; lĕ rngôch tơm prăk ntuh kơl lam rêh jêng kon nuĭh nchroh geh 70.000 rmen prăk, âk rlău 2,45 tơ̆ rđĭl đah năm e nơh. Dŭt njrăng lah nsĭt geh ngân sách hao ndal, đah 7.592 rmen prăk, hao bơi 167%. Rnoh geh dja hao du gâl lah nơm  geh 17 trong nchrăp kan điện sial dơi an ƀư, đah công suất rlău 1.242MW; âk trong nchrăp kan mât rong sŭr têh, công nghệ mhe lăp dŏng kan.

Năm 2021, lĕ rngôch nsĭt geh tăch n'gluh bah Gia Lai geh 610 rkeh đôlar, hao rlău 5%; tâm nê, cà phê n'hanh play lah ăp n'gâng kan tơm, nơm geh mât dŏng uĕh săk geh bah Hiệp định EVFTA. Lam n'gor geh tay 13 xã n'hanh 2 nkuâl lôch jêh ăp rnoh tât kan ƀon lan mhe. Lơn lah, năm rlău aơ, dor yôk Kon Hà Nừng hŏ dơi UNESCO nchih săk lah nkual rnă ntêm n'hâm sial lam ntŭr neh. Nău dja pơk luh trong têh an n'gor kuăl jă ăp trong nchrăp mât njrăng bri, mât dŏng pâl nđaih n'hanh hun hao wăng sa ta nâm n'hâm bri./.

Nuĭh rblang: Điểu Thân