VOV4.M’nông: Nau mbơh ndrel ma pă nkhôm Giải Báo chí lam dak mpeh nau ndâk njêng Đảng (geh ntơ Búa liềm Vàng) tal 5-năm 2020 ho\ geh [ư tâm măng 13/1 ta Hà Nội. Năm aơ, Rnâng kan ho\ ndơn geh rlau 1.700 nau nchih. Nau mhe bah nau nkhôm năm aơ lah âk ngăn nau nchih geh râng tâm rlong geh ntơ mpeh nau “ndâk” nau êng đah ăp năm bah năp mpeh nau “rdâng”, âk nau nchih rgum nau ndâk njêng rmôt cán bộ geh nau blau, nau dơi, tâm ban nau kan. Nau ngăn lah, bah 5 năm rlong, năm aơ, Rnâng kan rđau kan nkhôm Giải Búa liềm vàng ho\ mbơh, săch ndrel ntru\nh nau pă Giải đặc biệt ân rmôt nu\ih nchih ueh blau ngăn.

            Gay geh ăp nau ueh nkoch ngăn, âk ntil ngăn mpeh nau ndâk Đảng, âk phóng viên, Biên tập viên bah ăp ntu\k kan thông tấn, báo chí ho\ lăp jru tâm ăp nkuăl, âk nau kan, nkoch ăp nau kan ngăn, nau ê dơi, năn rgâl mhe ăp ding bah nau rêh jêng, ngăn lah tâm nau kan ndâk njêng Đảng.

Ntơm ăp nau jêr bah nu\ih [on lan rnôk mô geh âk prăk tă bah tơm cao su jêh rlau 10 năm geh leo tăm tâm n’gor Sơn La, rmôt phóng viên Xuân Thọ ndrel Thu Thuỳ-Radio Việt Nam ho\ hăn jru , joi uănh ndrel [ư nau kan ndrel nchih nau “Cao su Sơn La: Rnôk nau ntru\nh hôm geh ngai ma nau ngăn”. Tác giả Xuân Thọ ân gi\t, năm 2008, [ư nau ntru\nh bah n’gor Sơn La, gưl uỷ, N’gâng kan ăp gưl rgum tâm nau hun hao tơm cao su đah nau u\ch mô knu\ng kơl an ăp nkuăl tăm cao su mâp nau jêr. Ntơm nau mbơh bah chính trị, tât nau ntru\nh Đại hội Đảng gưl tâm dâng, gưl kan ba lơ tâm n’gor Sơn La, ăp nkuăl tăm cao su mô geh nkah tât nau kan hun hao tơm cao su. Tâm nrôk n’gor uỷ, UBND n’gor ndrel đảng viên ta Sơn La du\t du\t n’hâm gu\ kâp rnơm tâm Đại hội ăp gưl, êng nau kan nroh nu\ih, nau kan ndâk njêng Đảng ri ân geh nchră tât nau săk tam bah nau ntru\nh. Jêh rnôk nau nchih geh ntoh lư Radio Việt Nam, tât rnôk aơ n’gor Sơn La ho\ geh âk nau kan doh rklaih ân [on lan:

‘Tât rnôk aơ ko\ rhơn ngăn N’gor uỷ Sơn La ko\ jao ân Uỷ ban n’gor geh ăp nau kan gay ma doh rklaih ân [on lan tăm cao su. Đah ăp rnoh neh ma mô tâm di gay ma tăm cao su ri n’gor mra nsi\t lơi, mplơ\ lơi ân [on lan. Rnoh neh dôl tăm e êgh rtăk ri ko\ lah ăp nau kan tăm cao su geh tâm nkhah ân tâm di ndrel ma kơl an kônh wa mâp rong, gay ma mhâm [ư gay đăp mpăn nau sakư geh ân kônh wa [on lan tăm cao su”.

Nkô| nau mpeh nau ndâk njêng ntu\k kan bah ntrong kan chính trị gleh, kloh, pah kan săk tam, nâp nâl, ndâk njêng mrôt cán bộ nkre geh nau blau, nkre geh nau mi\n, tâm ban đah nau u\ch kan tâm rơh kan mhe lah nkô| nau geh âk nau nchih nkoch râng nau tâm rlong Giải Búa liềm vàng năm aơ rgum nkoch. Tâm 5 nau nchih “Joi nu\ih blau” bah Tiến sĩ Nguyễn Văn Minh, Kruanh n’gâng kan ndâk njêng Đảng, Báo điện tử Đảng cộng sản Việt Nam ho\ [ư kloh nau mi\n, nau năl nu\ih blau, ăp nau tât khuch tât nau săch nu\ih blau…Ngăn lah, rnôk neh dak dôl ma dâk bah năp nau mhe, ngăn lah Đại hội 13 bah Đảng dôl tât dăch ân geh Đảng nơm ân kloh ang săch luh ân dơi rmôt cán bộ geh nau blau. Tác giả Nguyễn Văn Minh, nkoch:

  ‘ Nau săch nu\ih geh nau blau ân neh dak, nau vay bah ơm bah Việt Nam ri geh hôm. Yơn lah, gay săch dơi nu\ih geh nau blau, nau kan. Kơt lah Wa Hồ mbơh lah “Nkre geh nau dơi ndrel geh nau blau” ri Đảng, Ngih dak hôm âk nau rvê. Rnôk nau nchih geh nchih, geh nkoch, geh uănh. Ngăn lah ăp nu\ih rđau kan geh nau dơi ăp nau kan ndrel ntrong kan geh nau ueh ngăn gay ma săch dơi luh ăp nu\ih blau ân neh dak”.

Bah 5 tơ\ tâm rlong Báo chí lam dak mpeh nau ndâk njêng Đảng (Búa liềm vàng) năm aơ, nau nchih “Việt Nam rơh Hồ Chí Minh-Biên niên sử truyền hình” bah mrôt nu\ih Hãng phim Tài liệu ndrel Điện ảnh Báo nhân dân lah nau nchih geh geh Hội đồng chung khảo mbơh đah Rnâng kan rđau kan Giải Búa liềm vàng ntru\nh nau pă Giải đặc biệt. Phim geh 90 tập, nkoch tât du trong kan ueh, ăp ntil, lôch ngăn mpeh nau kan hun hao tă bah rnôk Cách mạng khay Phim geh nau dơi, đah nau rđau kan bah Đảng Cộng sản Việt Nam, ntơm njêng dak Việt Nam dân chủ cộng hoà, pơk luh rơh Hồ Chí Minh ân tât nrôk aơ. Tác giả Lê Anh, ân gi\t:

  ‘ Nkô| nau bah ăp tập phim” Việt Nam rơh Hồ Chí Minh-Biên niên sử truyền hình” [ư kloh nau khlay bah nau ndâk njêng Đảng 3 khay 2 năm 1930, nau vay ơm cách mạng, nau ueh ang bah Đảng he tâm lôch 90 năm rlau aơ. Tâm du tập phim ko\ [ư rjăp nau kan, nau dơi têh dăng bah nau rêh ueh ang bah Kruanh Hồ Chí Minh. Phung hên ko\ u\ch bah ăp tập phim mra geh nkoch nti\m nau u\ch ro\ng dak, nau ueh lăng bah rnoi mpôl. Nkre nkoch mbơh ăp nau u\ch [ư rlăng bah phung rlăng tâm nau ơm cách mạng, nkoch nau mô ueh mpeh Đảng ndrel Ngih dak’.

Nau mhe bah Giải năm aơ lah aka ntil nau nchih geh nkoch tât nau “So\k nau ueh gay ntru\t jăng lơi nau mô ueh”, “so\k nau ueh gay ma mpet nau mhi\k”, ăp nau nchih geh leo tâm rlong geh nkô| nau “ndâk”, êng đah ăp năm bah năp nơh geh nchih tât nau “rdâng”. Âk nau nchih nkoch tât nau nti\m nti, [ư ti\ng nau mi\n, nau rêh, nau kan Hồ Chí Minh, rnê nu\ih pah kan ueh, nau kan ueh, mbơh ăp nau kan mhe, nau kan blau mhe gẹh nau u\ch bah ăp băl răk, băl djăt uănh, geh nau rêng. Ăp nau nchih râng Giải ho\ ân saơ nau ueh mpeh nau pah kan mô geh lêt rgăng bah ăp phóng viên, biên tập viên, lah nau geh mpeh nau pah kan geh âk nau mhe, nau jêr, nau rgăng, mô lah rdâng đah ăp nau tât. Wa Ngô Minh Tuấn, Tổng biên tập Tạp chí ndâk njêng Đảng, ntu\k kan bah Rnâng kan Nkhôm giải báo chí lam dak mpeh nau ndâk njêng Đảng-Giải Búa liềm vàng tal 5 năm 2020 lah rjăp:

‘ Năm 2020 ri âk nau kan nkô| nau geh nau ueh. Yor ri ăp nau nchih leo râng nkhôm Giải búa liềm vàng ko\ hao âk. Nkô| bah ăp nau nchih năm aơ geh nau nkoch âk ntil tâm ăp nau kan kơt du păng rup nkoch tât nau kan chính trị, văng sa, văn hoá, rêh jêng, tâm nchră đah dak ba dih, rna ửnăng neh dak. Giải Búa liềm vàng tal 5 năm 2020 kơt du nau ueh mhe kơl an ăp phóng viên, biên tập viên báo chí geh tay ăp nau ueh gay ma nkoch trêng, njêng geh nau dơi Đại hội ăp gưl geh tât Đại hội 13 bah Đảng”.

Bah 5 tơ\ [ư giải báo chí lam dak mpeh nau ndâk njêng Đảng geh ntơ “Búa liềm vàng” ho\ jêng geh nau rêng ueh, ndâk nau rêh mhe ân nau kan báo chí nchih nkoch tât nau kan ndâk njêng Đảng, ntop tay n’hâm ân ăp nu\ih nchih báo tâm nau kan tâm rnglăp tâm nau rêh, nkoch tât nau dôl geh, nkre mbơh ăp nau kan mhe mpeh nau kan ndâk njêng Đảng”./.

                        Nu\ih rblang: H’Thi