VOV4.M’nông: Ôi lơ 29/12, ta Hà Nội, Rnâng kan mât Lăng Kruanh Hồ Chí Minh ƀư nau ndơn Huân chương Lao động hạng Nhì; lôch nau kan năm aơ ndrel ntrŭnh nau kan năm tât. Groi Kruanh dak Võ Thị Ánh Xuân râng nar rƀŭn. Rơh rlau aơ, Rnâng kan mât Lăng Kruanh Hồ Chí Minh jêh lôch nau kan geh jao, săk Kruanh Hồ Chí Minh jêh 50 năm geh mât ueh, ê geh saơ nau rgâl rđil nau mbơh jêh rnôk mêt uănh săk bah ăp rmôt bah năp nê. Ntơm nar pơk mpông Lăng tât rnôk aơ, rmôt kan hŏ vơt, ƀư nau kan ueh, đăp mpăn ân 324 tŏ lăp chop gưl Ngih dak, 427 rmôt rđau kan neh dak ndrel bơi tât 60 rkeh tơ̆ năch, tâm nê geh rlau 10 rkeh tơ̆ năch dak ba dih tât chop Lăng Kruanh Hồ Chí Minh. Ntoh măt rđau kan Đảng, Ngih dak, Groi Kruanh dak Võ Thị Ánh Xuân hŏ pă Huân chương Lao động hạng Nhì ân Rnâng kan mât Lăng Kruanh Hồ Chí Minh./.

Nŭih rblang: H’Thi