VOV4.M’nông: Kêng măng 6/1, ta Hà Nội, rmôt ăp ntŭk kan tâm boh Việt Nam, rmôt tâm boh Việt Nam-Ấn Độ tâm rgop nsum ma ntŭk kan ntoh măt bah Ấn Độ ta Việt Nam ƀư nkah 50 năm ndâk nau tâm boh nchră nau Việt Nam-Ấn Độ. Tât râng geh Groi Kruanh dak Võ Thị Ánh Xuân. Kruanh n’gâng kan nkoch mbơh nau Nguyễn Mạnh Hùng, Kruanh rmôt tâm boh Việt Nam-Ấn Độ lah rjăp, rơh tâm boh Việt Nam-Ấn Độ ndrel rmôt ăp ntŭk kan tâm boh Việt Nam tâm boh nau kan đah ăp nŭih kan bah Ấn Độ ndrel ntŭk kan êng bah 2 dak, n’hao lơn tay ăp nau tâm n’ur ƀon lan, mât ndrel bun dăp nau tâm boh. Tă bah nê rgop nau ntrŭt dăng nau tâm boh kan nsum ăp ntil Việt Nam-Ấn Độ hun hao du nhoat mhe, tŏng dơi nau ŭch bah ƀon lan bar dak. Ntoh nau tâm nar rƀŭn, Groi Kruanh dak Võ Thị Ánh Xuân đă, ăp ntŭk kan, rmôt kan ndrel ƀon lan ân tâm rgop ueh lơn tay, hun hao nau dơi, nau kan ndrle nau geh jêng bah bar dak, ndăn ân ueh nau tâm boh nsum. Ƀư ueh nau kan rƀŏng uănh nsum nau kan 2021-2023 ntrŭnh nau tâm boh kan nsum ăp ntil ndrel nau rƀŏng nsum mpeh nau đăp mpăn, nâp nâl ndrel nŭih ƀon lan hŏ geh nchră tâm khay 12/2020./.

Nŭih rblang: H’Thi