VOV4.Mnông- Ôi nar 28/12, ta Hà Nội, mpôl nuĭh ntưp dioxin Việt Nam ƀư rơh kahgĭt 60 năm nău tât dioxin ta Việt Nam (10/8/1961-10/8/2021); vơt dơn Huân chương Lao động Hạng pe n’hanh Đại hội rlong ntoh lư yor an nuĭh ntưp dioxin tal 4, lvang năm 2016-2021. Groi kruanh dak Võ Thị Ánh Xuân râng n’hanh pă Huân chương an ntŭk kan. Ntoh ngơi ta rơh kahgĭt, groi kruanh dak Võ Thị Ánh Xuân đă ntŭk kan mât kơl an nuĭh ntưp dioxin ăp gâl kan an geh rgâl mhe lăp kan ndrel tay ăp nkô̆ nău, ntrong pah kan, rgum lĕ nău mĭn kan tâm rnglăp, tâm rŏng, dơn kan yorr kơl an nuĭh geh ntưp dak si khĭh dioxin”, n’hao săk rnglăy nău pah kan, ƀư ueh jăp tay lơn nău kan mbơh nău dăn đă n’hanh rgum ăp rnoh nuĭh kan ta ntŭk rêh jêng gay ma mât chăm, kơl an n’hanh nsrôih an geh nău tâm ban đah nuĭh ntưp dak si khĭh dioxin đah ăp ntrong kan n’hanh njoat hăn tâm di đah nău hun hao bâh neh dak.

Nuĭh rblang: Thị Đoắt