VOV4.M'nông: Nkhêp geh bôk nău kan "Ring chrang nuih n'hâm Việt” năm 2021, ôi 13/12 Groi kruanh Quốc hội Nguyễn Khắc Định hŏ geh rơh mâp măt 20 nuĭh ntơh măt, tâm rnoh 50 druh ndăm quet nte ntoh lư, mpeh 34 n'gor, nkual ƀon têh râng bôk nău kan. Bôk nău kan "Ring chrang nuĭh n'hâm Việt" năm 2021 gay rêng lam ăp nuĭh leo trong gŭ rêh uĕh, nsrôih êng tâm nău rêh. 50 druh ndăm quet nte ntoh lư năm aơ geh âk nuĭh dơi âk tâm trong kan văn hoá njroh mprơ, thể dục thể thao n'hanh rêng nău nđơr dăng an druh ndăm rchong; mô dơn nsrôih râng ntơm njêng nău kan, ntơm njêng nău kan geh nău dơi, ma hôm nsrôih kơl ăp băl ndrel ntơm njêng nău kan đŏng, nsrôih râng kơl nsum lam ƀon lan lah nuĭh ntoh lư leo lor tâm lam ƀon lan, lơn lah râng pah kan nkoch trêng, ntop kơl njrăng n'gang nuh srê Covid-19 mhe aơ. Groi kruanh Quốc hội Nguyễn Khắc Định an gĭt mbra ndrel ăp nhih pah kan bah Quốc hội ƀư lôch jêh tay n'hanh tĭng ƀư geh nău tam ăp trong kơl geh tât nuĭh quet nte./.  

Nuĭh rblang: Điểu Thân