VOV4.M'nông: Kêng măng 27/12, ta Jay Quốc hội, Ủy viên Bộ Chính trị, Groi kruanh Rnâng kan Quốc hội Trần Thanh Mẫn mâp măt 55 nuĭh ntơh măt tât râng Đại hội ntoh lư "An nuĭh ji khêh dak si dioxin" tâl 4, lvang năm 2021- 2026. Lôch rnôk djăt nău mbơh n'hanh nău rgop bah ăp nuĭh tât râng, lah ta rơh mâp măt, Groi kruanh Rnâng kan Quốc hội Trần Thanh Mẫn lah rjăp, rơh tâm lơh hóa học tă bah Mỹ ƀư tâm lơh tâm lơh ta Việt Nam hŏ lơh 4,8 rkeh nuĭh Việt Nam geh ntưp n'hanh nklăp rlău 3 rkeh  nuĭh ji khêh dak si dioxin. Nău nkra bah tât khuch dak si hoá học lôch bah tâm lơh tâm su lah nău kan jăch ndăn, nkre jŏ jong, geh nău rŏng kon nuĭh jru, lah nău dơn kan bah lam rêh jêng kon nuĭh, gay nkah gĭt đah ăp nuĭh hăn tâm lơh tâm su geh ntưp dak si khêh hoá học n'hanh nuĭh ji khêh dak si dioxin Việt Nam. Groi kruanh Rnâng kan Quốc hội đă Đảng ủy, n'gâng kan ăp gưl n'hanh lam trong kan chính trị tĭng ƀư tay jăp ăp trong kơl bah Đảng, Ngih dak đah nuĭh ji khêh dak si dioxin; nta ăp trong dơh gay Hội nuĭh ji khêh dak si dioxin ăp gưl ƀư lôch jêh nău kan Đảng, Ngih dak jao an tâm nô nău mhe./.

Nuĭh rblang: Điểu Thân