VOV4.M'nông: Kêng măng 29/12, Groi Thủ tướng Lê Minh Khái hŏ râng Tâm nchră an ƀư nău kan ngân hàng năm 2022. Groi Thủ tướng rnê âk n'gâng kan ngân hàng tâm năm rlău aơ hŏ ntêm an rlău 5 rbăn rmen prăk kơl an ăp bôk nău kan đăp mpăn lam rêh jêng kon nuĭh lam dak, tâm nê ntêm an rlău 3,2 rbăn rmen prăk kơl an pah kan njrăng, n'gang nuh srê COVID-19.

Năm mhe 2022, Groi Thủ tướng n'gâng kan ngân hàng n'hŭch tay rnoh deh prăk kon an manh, lơn lah đah ăp trong kan an ƀư lor. N'hao nău dơi săk tam an manh n'hanh rƀŏng tơm prăk tâm trong kan ƀư njêng tăch rgâl, ntrŭt ntrôl hun hao ăp trong nchrăp kan buăt nthoi ndơ dŏng. An ƀư geh nău tam ăp bôk nău kan an manh dơh, ntop kơl ƀon lan, doanh nghiệp mâp jêr jŏt. Groi Thủ tướng Lê Minh Khái dăn đă n'gâng kan ngân hàng ntrôl dăng an manh rvăt dŏng ndơ, rgop hŭch bah an manh khlay êng bah dih n'hanh nuĭh tih mpeh an manh ma ăp ndơ pơk dŏng công nghệ.

Nuĭh rblang: Điểu Thân