VOV4.M'nông: Ôi 15/12, ta nhih pah kan Chính phủ, Groi Thủ tướng Lê Văn Thành ƀư tơm rơh hop pơk sŏng dăng ôp uănh, ntrŭt ntrôl, droh rklaih jêr jŏt, kŏ kol, ntrôl dăng n'gluh tơm prăk ntuh kơl ngih dak năm 2021. Tĭng nău mbơh bah Bộ Tài chính, đah 12 Bộ, nhih pah kan trung ương n'hanh n'gor mpeh săk ôp uănh, kơp tât 30 khay 11 năm 2021 n'gluh geh 28 rbăn rmen prăk, mhe tât rnoh 36% dơm. Du đêt Bộ, nhih pah kan trung ương n'hanh n'gor geh rnoh n'gluh tơm prăk đêt: Bộ Công thương, Bộ Xây dựng, Nkual ƀon têh Hồ Chí Minh... Lơn lah, hôm geh du đêt bộ, nhih pah kan trung ương n'hanh n'gor mô hŏ tâm pă lĕ tơm prăk dơi jao. Đah tơm prăk ngân sách ta n'gor, hôm 12 n'gor mô hŏ tâm pă lĕ trong nchrăp dơi Thủ tướng Chính phủ jao. Ta rơh hop, ăp bộ, nhih pah kan trung ương n'hanh n'gor, dăn đă lơn âk geh tât trong nchrăp năm 2021 lah dăn đă ntoch jong trong nchrăp tơm prăk ntuh kơl ngih dak năm 2021 jêng tât năm 2022.

Nuĭh rblang: Điểu Thân