VOV4.M’nông: Kêng măng 9/12, ta ntŭk kan Chính phủ, Groi Thủ tướng Rnâng kan Chính phủ Phạm Bình Minh hŏ ƀư tơm nar rƀŭn nchră mpeh nau ndâk tay ăp trong mpăr tât dak ba dih ntơm lơ 15/12 tĭng nau đă bah N’gâng kan gung trong nchuăn rdeng. N’gâng kan gung trong nchuăn rdeng đă 2 rơh rlong ndâk tay ăp rơh mpăr kơt nau vay gay ma rdeng năch tă bah dak dih lăp tâm Việt Nam. Groi Thủ tướng Rnâng kan Phạm Bình Minh ân lah, ân geh săch du đê̆ dak geh nau đăp mpăn nâp. Nŭih năch lăp tâm Việt Nam tâm ăp rơh mpăr ân tŏng ăp nau ntrŭnh đă mpeh nau njrăng, rdâng srê; chuh tŏng 2 nglai vắc xin, mô lah bah săm srê Covid-19, geh xét nghiệm PCR âm tính tâm 72 mông lor ma hao ndeh mpăr. Groi Thủ tướng kŏ đă ân geh du phần mềm mbơh nau dak si gay ma dŏng ân nŭih lăp dak nơm gay pơk trong nơih ân nau nkân njrăng srê./.

Nŭih rblang: H’Thi