VOV4.Mnông-  Ôi nar 1/12, ta Hà nội geh ƀư Đại hội đại biểu lam dak Hội khuyến học Việt Nam tal 6 n’hanh kahgĭt 25 năm nar njêng Hội. Groi Thủ tướng Vũ Đức Đam tât râng. 25 năm ba năp, Hội khuyến học Việt Nam lĕ mô rlu rgâl mhe, rgum ăp rnoh kan an hun hao rnoh khuyến học, pă rkeh klâm học bổng an oh kon se, ăp nai nti n’hanh kon hoc, kơl an kon hoc ach o hun hao nti ueh jăp lơn. Ta đại hội, groi Thủ tướng Vũ Đức Đam lah na nê̆, tâm ba năp nơh, ntĭm nti ta ăp gâl nti lĕ geh rgâl mhe âk ta lam ntur neh, nău nĕ an saơ lĕ Đảng n’hanh nuĭh ƀon lan lĕ mât uănh âk tât nău nti. Groi Thủ tướng Vũ Đức Đam dăn đă: Hội khuyến học Việt Nam tâm rgop đah ăp n’gâng kan ƀư lôch ăp bôk nău kan gay ma ƀư tĭng rgâl mhe lĕ rngôch ntĭm nti ma Đảng he ngluh mbơh. Groi Thủ tướng Vũ Đức Đam knơm đah nău ndơn kan n’hanh hun hao, ntŭk kan mbra geh têh kuăng n’hanh ntop âk ta nău kan rdâk njêng n’hanh mât neh dak.

Nuĭh rblang: Thị Đoắt