VOV4.M’nông: N’gâng kan gung trong nchuăn rdeng, trong ndeh mpăr ndrel ăp n’gâng kan, ntŭk kan geh tât mbơh ăp rđau kan, ƀư nau kan nchrăp pơk tay trong mpăr tât dak ba dih, geh nau ƀư gay nŭih Việt Nam tâm dak ba dih sĭt dak nơm, rklaih ơm ndrel nơih ngăn nau ŭch sĭt dak nơm bah ƀon lan. Aơ lah nau đă bah Groi Thủ tướng Vũ Đức Đam, Groi Kruanh Rnâng kan rđau nau kan neh dak mpeh nau njrăng, rdâng srê Covid-19 tâm nar pah kan đah N’gâng kan dak si ndrel du đê̆ n’gâng kan, ntŭk kan geh tât nŭih Việt Nam tâm dak ba dih lăp tâm Việt Nam kêng măng 8/12. Bah nau mbơh rgop bah ăp n’gâng kan, ntŭk kan, Groi Thủ tướng Vũ Đức Đam lah rjăp: êng nau ŭch vơt ăp nŭih ƀư nau kan, kỹ sư, pah kan kỹ thuật prêh nŭih dak ba dih, năch dak ba dih ƀư nau kan hun hao văng sa, rêh jêng, ăp N’gâng kan, ntŭk kan ân geh uănh khlay ngăn tât nau ŭch sĭt dak nơm bah ƀon lan Việt Nam hăn pah kan, ntĭm nti, khâl băl mpôl dôl kol tâm dak ba dih yor srê, kŏ kơt lah kônh wa Việt Nam dôl gŭ tâm dak ba dih ndrel rnăk vâl geh kơl an kơt nŭih Việt Nam tĭng nau ntrŭnh./.

Nŭih rblang: H’Thi