VOV4.M’nông: Tât rnôk aơ, ntŭk kan soay bah n’gor Dak Lak mhe ndơn geh 500 hồ sơ tâm rnoh âk rbăn rnăk ƀư nau kan tăch rgâl tâm n’gor ân geh nau kơl an tĭng nau ntrŭnh mrô 68 bah Chính phủ. Tĭng nau ntrŭnh 68 bah Chính phủ mpeh nau kơl an nŭih pah kan ndrel nŭih dŏng nŭih pah kan mâp nau jêr yor srê Covid-19, tơm prăk ngih dak mra kơl an du tơ̆ 3 rkeh đah ăp rnăk ƀư nau kan tăch rgâl geh nsrŭng kan ntơm 15 nar hao gŏ lơ kơp ntơm khay 5/2021 tĭng nau đă bah ntŭk kan Ngih dak gay njrăng, rdâng srê ji. Tĭng nau ntrŭnh, gay geh kơl an, ăp rnăk ân geh săm ƀŭt đăng kí ƀư kan tăch rgâl, geh đăng ký soay, geh đơn dăn kơl an ndrel rmôt kan kơl an tâm xã kơp dơn, jêh nê njoăl tât ntŭk kan soay gay ma năl. Ndrel đah srê ji geh tât jêr, ri nau kan ƀư kol jêr lah ngoai tâm âk nkô̆ ƀư Dak Lak mbrơi tâm nau ƀư nau kan aơ./.

Nŭih rblang: H’Thi