VOV4.M’nông: Tă bah rnoh khlay tiêu hao mbro tâm ăp năm rlău aơ, tăm tiêu ns^t geh wa\ng sa âk, jêng âk [on lan ta Tây Nguyên lăp tăm ntil tơm dja mô djăt neh ntu, bri dak mô tâm di. Hun hao tiêu phâm [ư gay an ns^t geh nău dơi âk lah nău ân dơi njrăng uănh tâm di. Phóng viên Radio nău ngơi Việt Nam way gu\ kan ta nkual Tây Nguyên ôp Tiến sĩ Nguyễn Đăng Nghĩa- Giám đốc ntu\k rgum gu\ m^n n’hanh mbơh nti tuch tăm bri nđik mpeh nkô| nău dja.

            Ơi tiến sĩ, tâm nô nău bên đah rgâl duh nđik trôk nar kơt a[aơ, gay hun hao tơm tiêu nâp dăng ân rgum phâm trong nkra mêh?

            Tiến sĩ Nguyễn Đăng Nghĩa: Tăm tiêu nâp dăng tâm di đah rgâl duh nđik trôk nar ri nău lor bôk năp lah mô dơi so\k tơm si [ư n’gâng tiêu, ân mô lơh n’hang bri. Rnôk he tăm ri ân ôp le\ rngôch ăp rêng [ư so\k luh nău ơm g^t, kơp le\ ma ăp viện, ăp ntu\k rgum gu\ m^n mpeh tiêu ndrel nău ơm g^t kan bah nu^h [on lan. He ân tăm rlu\ đah n’gâng rêh n’hanh n’gâng kro, yor ăp ntil geh nău mô ue\h êng păng da dê. Viện Khoa học kĩ thuật nông lâm nghiệp Tây Nguyên le\ geh ăp nău n’glêh an gu\ m^n lor lah tâm du mir geh tâm rlu\ 50/50 n’gâng rêh n’hanh n’gâng kro ri mbra njêng n’hâm ue\h an tơm tiêu.

            Mir tiêu mhe ri kônh wa ân do\ng ntil tiêu tâm di đah bri neh trôk nar ta ntu\k nê, rdâng lơh dơi đah tu ndru\ng chuh sa. Kon si ntil ân kloh mô geh bu tuh. Tâl bar lah kônh wa ân geh kĩ thuật ku^h ntu, kĩ thuật tăm gay tiêu hao jêng dăng. Ndơ an [ư lor tâm mir lah ân luh dak: tâm mbor tiêu ân geh koch mbor jê| mô kâp hvi yơn ân jru lơn dăp reh tiêu. Nt^t kơt reh tiêu sa jru bah 0 tât 30cm ri ntu\r mbor koch nê ân lah 40cm, rnôk geh ngâr dak sor păng mbra luh bah dâng reh tiêu mô geh dak trăm. Tâm rnôk do\ng dak si mât njrăng si tăm ri nău an [ư lor ăp ntil chế phẩm bah tơm pih n’hanh chế phẩm sinh học gay do\ng an dak si hoá học.

            Ơi tiến sĩ, ta năp trong r[o\ng tâm rlong ntu\k tăch rgâl lam ntu\r neh kơt a[aơ ri n’gâng kan tiêu Việt Nam phâm geh trong hun hao jo\ jong mêh?

            Tiến sĩ Nguyễn Đăng Nghĩa: N’gâng kan tiêu, hiệp hội tiêu n’hanh Bộ Nông nghiệp phát triển nông thôn dôl geh trong kan jo\ jong gay [ư tăm tiêu kloh, tiêu hữu cơ. Mô dơn nê geh ăp n’gor le\ jêng tiêu rêh tâm bri, phâm [ư gay n’hao săk ntơ lư n’hanh săk kah ue\h play tiêu, r[o\ng tât do\ng dak êt bah tiêu njêng luh ndơ kah khlay lơn. Aơ lah trong kan jo\ jong ma Việt Nam dôl r[o\ng tât.

            I ngăn a[aơ ri rnoh hvi neh tăm tiêu ta Tây Nguyên le\ rlău rnoh quy hoạch tât năm 2020. Ndr^ ân phâm geh trong nkra gay bah ir ntoh luh êng tăm tiêu mêh, hơi tiến sĩ?

            Tiến sĩ Nguyễn Đăng Nghĩa: Nkô| nău dja mô dơn êng ta Tây Nguyên ôh, quy hoạch bah Bộ Nông nghiệp n’hanh phát triển nông thôn tât năm 2015 le\ rngôch hvi neh tăm tiêu nklăp 50 rbăn ha dơm yơn a[aơ le\ bơi 120 rbăn ha hôm, ndr^ lah rlău 2,5 tơ\ hôm. Nkô| nău dja nklăp lah he ân geh trong nkra kơl [on lan mô di lah mpăng khân păng mô dơi tăm tiêu ôh. Ân geh ăp trong kơl khân păng g^t dơi, plơ\ dăp rgum mô lah rgâl si tăm, mô di nu^h dja dơi tăm nu^h ri mô dơi tăm tiêu. Jêng ân geh trong nkra ue\h, r[o\ng trong n’hanh mbơh nti tăm tiêu nâp dăng./.

            Dăn lah ue\h tiến sĩ!

Nu^h răk rblang: Điểu Thân