VOV4.M'Nông: Măng 7/1, ta nkual ƀon têh Vĩnh Long, n'gor Vĩnh Long, Trung ương Hội Nông dân Việt Nam, Bộ Nông nghiệp n'hanh Phát triển nông thôn n'hanh UBND n'gor Vĩnh Long kan nsum ƀư ntơm pơk Festival phe ba Việt Nam tâl V năm 2021 đah nău tât râng bah hang rhiăng ndrơng ndơ đah ăp ndơ geh ƀư ntoh lư.

Lah ta rơh lễ ntơm pơk, wa Lương Quốc Đoàn, Ủy viên Trung ương Đảng, Kruanh Hội nông dân Việt Nam  an gĭt, rlău 35 năm tĭng ƀư gung trong rgâl mhe, lơn lah rlău 13 năm tĭng ƀư Nghị quyết 26 Tâm nchră tâl 7, Ban chấp hành Trung ương đảng khóa X mpeh tuch tăm, ƀon lan kan lŏ mir, n'gâng kan tuch tăm mât rong n'hanh hun hao wăng sa ƀon lan dak he hŏ geh ăp nău dơi dŭt di ma n'hao êng săk. Festival lah rnôk gay ăp doanh nghiệp geh rnôk tâm mâp nkoch n'hơ lam hvi ndơ geh ƀư bah he, joi băl tâm boh, hun hao n'gâng kan công nghiệp nkret njêng tuch tăm ta n'gor n'hanh nkual Đồng bằng sông Cửu Long; ntop kơl ăp doanh nghiệp, ƀon lan kan lŏ mir nău kan geh nău tam n'hanh kơl n'gâng kan phe ba Việt Nam tâm ban kơt ăp săk ntơ lư tuch tăm geh tơm luh, n'hao nău dơi tâm rlong dak bah dih./.

Nuĭh rblang: Điểu Thân