VOV4.M’nông: Ƀư tĭng nau ntrŭnh, ntrong kan bah Đảng, pháp luật bah ngih dak, tâm ăp năm rlau aơ, HĐND, UBND n’gor Kon Tum ngăn ngên uănh khlay, mât chăm hun hao nkuăl rnoi mpôl đê̆ ndrel uănh aơ lah ngoai tâm ăp nau kan khlay gay ma hun hao văng sa rêh jêng tâm nkuăl ân nâp. Ngăn lah, Bok nau kan 135 tâm Bôk nau kan bah neh dak n’huch ach o nâp nâl lvang năm 2016-2020 hŏ kơ; an rlau 740 rmen gay nkra ngih vâl, gung trong, hun hao tuch tă, âk ntil nau kan, pơk n’huch ach o, n’hao nau dơi ân ƀon lan ndrel cán bộ tâm dâng ân ăp xã jêr jŏt ngăn, xã nkuăl n’har bri, xã an toàn khu, ăp thôn, ƀon jêr ngăn. Đảng, Ngih dak kơl an tât nŭi geh bu rnơm tâm nkuăl ƀon lan rnoi mpôl đê̆. Ngih dak hŏ ntuh kơl bơi tât 3 rmen gay bonh đă nŭih geh bu rnơm đah drăp ndơ, pă ƀáo gay ma răk, ƀư ntĭm mbơh nau kan mhe ndrel ăp nau tă geh dơi./.

Nŭih rblang: H’Thi