VOV4.M’nông – Ôi 22/4, Ủy ban MTTQ Việt Nam n’gor Kon Tum ƀư rgŏ jă gay rgâl nău mĭn, trong ƀư bah ƀon lan rnoi mpôl đêt, kơl ƀon lan hao rklaih ach o nâp nâl. N’gor Kon Tum geh rlău 53% rnoh nuĭh ƀon lan rnoi đêt nău rêh hôm e âk jêr jŏt. Nkô̆ nău yor nău nti nsơm đêt; hôm e mĭn kâp knơm tâm nău kơl bah ngih dak; mô gĭt trong kơt dŏng khoa học kỹ thuật tâm tuch tăm. Gay rgâl nău mĭn, trong ƀư bah ƀon lan rnoi đêt, ƀư an ƀon lan rnoi đêt hao rklaih ach o nâp nâl, Ủy ban MTTQ Việt Nam n’gor Kon Tum năl 5 nău kan khlay, nĕ lah:

Ký ton tâm rlong ƀư tĭng nău rgŏ jă

Nkoch trêng, mbơh rblang ăp naư ntrŭnh, nău kơl lah nău kan neh ntu, n’hŭch ach o nâp nâl, ndâk njêng ƀon lan mhe tât ƀon lan rnoi mpôl đêt; Mbơh rblang ăp ntrong kan uĕh, trong ƀư săk rglăy; Ntĭm ƀon lan rnoi mpôl đêt ach o n’hanh êp ach o dŏng geh săk rnglăy tơm prăk bah rnăk wâl, tơm prăk manh gay hun hao wăng sa; Ntĭm ƀon lan rgâl ăp ntil tơm tăm, mpa rong; nsrôih râng tăm bri, mât njrăng n’hanh uănh bri.

Nuĭh rblang: Y Sưng Phê Ja