VOV4.M’nông: Tĭng ban tôn giáo n’gor Dak Nông, tâm n’gor Dak Nông rnôk aơ geh nklăp 160 rbăn 420 nŭih tĭng chroh; 70 kruanh chroh; 77 ngih rƀŭn rgum. Ăp năm ma aơ, kônh wa tĭng chroh Công giáo tâm n’gor Dak Nông hŏ rgop nklăp 28 rmen 864 rkeh prăk măt ndrel âk rbăn nar kan ndrel n’gâng kan tâm nkuăl nkra trong hăn ƀon lan. Rnôk aơ lam n’gor geh 29/60 xã geh kơp dơn tŏng dơi ƀon lan mhe.

Geh nau kơt aơ lah rnơm tâm nau lăp kan bah lam ntrong kan chính trị ndrel lam kon nŭih, tâm nê ngăn lah nau rgop âk bah kruanh chroh ndrel kon chroh. Wa Điểu Khuyên, rnoi Bunong, Kruanh ƀon Bu Bir, xã Quảng Tín, nkuăl Dak Rlâp mbơh, ƀon dôl nsôih năm mhe geh “ƀon lan mhe n’hao prêh”. Ăp nar aơ kônh wa rhơn Noel yơn ân geh nkah đah srê Covid-19:

‘Lah nsum, lah mô geh srê ji ri kônh wa rhơn ngăn rnôk tât lễ tết, Noel ƀư tĭng rnoi Bunong nơm. Noel jêh ri mơ têt. Rnôk aơ, srê hôm jêr ngăn, rhơn đŏng yơn ân geh ƀư êng tâm rnăk vâl, mô dơi rgum âk nŭih tay ôh”./.

Nŭih rblang: H’Thi