VOV4.M'nông: Kêng măng 13/12, ta Nhih pah kan kruanh dak, Kruanh dak Nguyễn Xuân Phúc wơt 60 nuĭh ntơh măt ntoh lư ntơh măt an ăp nuĭh tât râng Đại hội đại biểu Bu ur Tahen tâl VII mhe ƀư lôch jêh ta Hà Nội. Lah ta rơh mâp măt, Kruanh dak rnê âk bu ur tahen way nsrôih rlău jêr jŏt, ƀư lôch jêh uĕh nău kan dơi jao, nkre tĭng ƀư jăp ƀư me bah bu ur, lah ăp nuĭh mât n'hŭt răm rnăk wâl. Bu ur tahen lah ăp nuĭh ngăch prăl ngăn "Nău kan ngih dak, đăp dêh đah nău kan rnăk wâl". Đah rlău 9 rmưn cán bộ, hội viên n'hanh rlău 2.000 ntŭk kan hội tâm dâng, bu ur Tahen dôl geh măt ta lĕ rngôch ăp ntŭk pah kan, tâm ăp trong kan tahen gŭ lam dak. Bol ma ta ah ntŭk gŭ, moh ntŭk kan, Bu ur tahen way mât uĕh ăp nuih n'hâm lŏng bah tahen wa Hồ. Lơn lah, lvang năm 2016- 2021 lor bôk năp geh 41 cán bộ, hội viên bu ur tâm mpôl tahen râng mât đăp mpăn bah Liên hợp quốc. Tâm njrăng, n'gang COVID-19 hŏ geh 1.700 hội viên hăn lor njrăng n'gang nuh srê ta bôk trong rlong sial./.

Nuĭh rblang: Điểu Thân