VOV4.M’nông: Kêng măng 7/12, Kruanh dak Nguyễn Xuân Phúc râng ndrel rđau rơh rƀŭn lôch bôk nau kan kơl an ndâk ngih gŭ ân nŭih geh n’hâm, tahen ơm ach o, rnăk ach o tâm n’gor Hà Giang lvang năm 2019-2021. Tĭng nau mbơh bah n’gor Hà Giang, năm 2021, hŏ ndơn rlau 63,5 rmen tă bah ăp rmôt kan, êng nŭih kơl an ân bôk nau kan, hŏ ntrŭnh ndrel ƀư ân jêh ngih gŭ ân bơi tât 1.400 rnăk. Nau geh rnoh prăk ƀư kan bah ăp rmôt, ăp nŭih kơl an ân bôk nau kan tât rnôk aơ lah rlau 305,5 rmen. Jêh rnôk djăt nau mbơh bah ăp n’gâng kan, ntŭk kan bah n’gor Hà Giang, Kruanh dak Nguyễn Xuân Phúc rnê prêh n’gor, bol lah n’gor ach o, mâp nau jêr yor srê Covid-19 ndrel trôk nar lơh, yơn hôm pă, rgum tơm prăk ndâk rlau 5.100 ngih. Đah rlau 5000 ngih sat, ngih ơm, Kruanh dak đă lŏ ƀư bôk nau kan tâm rơh tât gay kônh wa bah nau jêr jŏt./.

Nŭih rblang: H’Thi