VOV4.Mnông- Kruanh dak Nguyễn Xuân Phúc lĕ tâm nchră đah kruanh Quốc hội n’hanh thủ tướng chính phủ mpeh nău kơl an hun hao công nghệ mhe, tâm nĕ geh ăp ntil ŭnh nar kloh, pil n’hanh lĕ dơn ngoăy ndơ̆ mbơh Quốc hội rơh aơ du đê̆ nău kơl an mpeh ngih dak gay ma kơl an công nghệ mhe. Aơ lah nău mbơh kruanh dak mbơh tâm kêng măng nar 12/12 ta rơh ntơm ƀư ngih máy nkra ƀư pil oto VinES ta nkual wăng sa geh tâm nkual wăng sa Vũng Áng n’gor Hà Tĩnh. Ntoh ngơi ta rơh lễ, kruanh dak Nguyễn Xuân Phúc an lah, nău dơi têh bâh Vingroup tâm nău rgâl jêng kan tập đoàn công nghiệp, công nghệ mbra mô dơn nta nău ueh rŏng an ăp tập đoàn wăng sa êng bâh Việt Nam ma hôm nha geh ntop nău kan khlăy tâm nău kan rdâk njêng du ntrong kan sinh thái “Make in Vietnam” mpeh nău pah kan, nkra njêng n’hanh dŏng tay pil ŭnh nar mhe geh njêng. Kruanh dak Nguyễn Xuân Phúc lah na nê̆, nău ntul rlong hun hao đah Việt Nam aƀaơ hôm nha an geh bôk năp lah nuĭh kan, nuĭh blău, n’hanh khoa học công nghệ ta nău kan tơm khlăy tâm nău nchrăp hun hao wăng sa nâp nâl tâm jŏ jong. Aơ lah mpông pơk gay ma dak he bah nău rêh jêr jŏt, an geh hun hao wăng sa tât nău sâm geh têh ndrŏng bâh ngih dak, mpôl rnoi.

Nuĭh rblang: Thị Đoắt