VOV4.M’nông – Dơn nău jă bah dak Campuchia Norodom Xihamoni, Kruanh dak Nguyễn Xuân Phúc khâl gưl ngih dak tât Campuchia bah nar 21 tât 22/12/2021. Aơ lah rơh khâl Campuchia bôk năp ta nău ƀư Kruanh dak bah Kruanh dak Nguyễn Xuân Phúc n’hanh lah ngoăy tâm âk nău ƀư bôk năp gay ntơm an trong ăp nău ƀư mbah rhơn “Năm dăch dêh Việt Nam-Campuchia, Campuchia-Việt Nam” n’hanh nkah gĭt 55 năm ndâk njêng tâm boh tâm rnglăp 2 dak. Việt Nam n’hanh Campuchia geh nău tâm boh oh nô uĕh lăng; dăch dêh way ơm; kan ndrel lĕ rngôch nâp nâl jŏ jông. Tâm rnôk 2 dak dôl ƀư âk nău nkah gĭt ăp nău khlay tâm boh 2 dak, rơh khâl Campuchia rơh aơ bah KJruanh dak mĭn lah tay Đảng, Ngih dak n’hanh nuĭh ƀon lan Việt Nam dŭt n’hâm uănh nău tâm boh đah Campuchia.

Nuĭh rblang: Y Sưng Phê Ja