VOV4.M'nông: Nthoi tay nar hăn khâl gưl ngih dak Campuchia, ôi 22/12, Kruanh dak Nguyễn Xuân Phúc hŏ tât khâl, nkoch bri đah cán bộ nuĭh kan Đại sứ quán Việt Nam ta Campuchia, mâp ntơh măt nuĭh ƀon lan Việt Nam ta Campuchia. Rhơn dơi mâp tay kônh wa, Kruanh dak Nguyễn Xuân Phúc nkah tay tâm rnôk jêr jŏt bah nuh srê Covid-19, Việt Nam n'hanh Campuchia hŏ geh âk nău kan tâm kơl nsum.

Aơ lah nău rŏng dŭt n'hâm uănh khlay, mpơl tay tâm boh way ơm uĕh lăng, jŏ jong đah bar ngih dak n'hanh ƀon lan bar dak. Tâm let năp tay, Kruanh dak Nguyễn Xuân Phúc đă cán bộ, nuĭh kan Đại sứ quán tĭng ƀư tay jăp nău kan Đảng, Ngih dak jao, tĭng ƀư jăp nău kan mât njrăng ƀon lan, ntop kơl nău rêh an kônh wa gŭ dak bah dih gay nar lơn ma geh âk tay ăp nău kan ngăn ngăn bah kônh wa rƀŏng sĭt ƀon tơm, rgop rdâk njêng ƀon tơm, neh dak, tâm nê geh nău nkra ntŭk gŭ tâm di  an nuĭh tơm Việt ta Campuchia.

 Nuĭh rblang: Điểu Thân