VOV4.M’nông: Ôi lơ 20/12, ta Hà Nội, Quân uỷ Trung ương, N’gâng kan neh dak ƀư rƀŭn Quân chính lam tahen trực tuyến năm 2021 tâm 141 ntŭk ƀoh rup, nchră tât nau rđau kan, rđau đă ƀư nau kan tahen, neh dak năm 2021 ndrel ntrŭnh nau kan năm 2022. Ntoh nau tâm nar rƀŭn, ntoh măt rđau kan Đảng, Ngih dak, Quân uỷ Trung ương, Kruanh dak Nguyễn Xuân Phúc.

Rhơn njoăl tât ăp rđau tahen, cán bộ, tahen, rmôt nchrăp hăn kơl, dân quân tự vệ lam dak nau ôp khâl đêp rmên ndrel nau rhơn ueh lăng ngăn di nkah 77 năm nar ndâk tahen ƀon lan Việt Nam. Mpeh nau kan năm 2022, Kruanh dak đă, Quân uỷ Trung ương, N’gâng kan neh dak ân mĭn, nchră nau kan, nchrăp lơn tay tâm nau nchrăp mbơh, nchră mpeh nau kan tahen, neh dak đah Đảng, Ngih dak, mô ân geh ndrât ndal. Tâm rgop nsum đah neh dak, rnă njrăng, tâm nchră, n’hao lơn tay nau tâm boh lam ntur neh mpeh nau dak./.

Nŭih rblang: H’Thi