VOV4.Mnông-  Nar 9/1, Hội nhà văn Việt Nam ƀư rơh rgŏ jă rklă nchih văn học mpeh bôk nău mom ndăm. Ntoh ngơi ta rơh rgŏ jă, kruanh dak Nguyễn Xuân Phúc rnê âk Hội nhà văn Việt Nam ƀư rơh rgŏ jă rklă nchih văn học mpeh bôk nău mom ndăm n’hanh an lah, aơ lah nău kan dŭt khlăy. Yor văn học lah rnoh ndơ mât ueh nuih n’hâm tĭng nău ueh, nău tâm pêt tâm rŏng, nkre lah ntrŭt n’hao nău mĭn, nău nsrôih hun hao bâh kon nuĭh, ngăn lah đah rơh mom, mom ndăm, oh kon se, oh jê̆.

Kruanh Hội nhà văn Việt Nam Nguyễn Quang Thiều an gĭt, rơh rgŏ jă mĭn rklă văn học mpeh bôk nău mom ndăm jŏ tâm 5 năm bâh aƀaơ tât khay 5/2025 đah bar ntil văn xuôi n’hanh thơ. Nuĭh tât râng tâm rlong geh lĕ ƀon lan Việt Nam tâm n’hanh bah dih dak. Rnâng kan leo kan na nê̆ mbơh đă tât râng bâh ăp oh kon se, mom ndăm n’hanh kon se jê̆. Rơh pă giải rơh ngoăy nchrăp ƀư ta rơh tết trung thu năm 2023.

Nuĭh rblang: Thị Đoắt