VOV4.M’nông- Tâm kêng măng nar 21/12, ta rơh tât khâl gâl ngih dak tât dak Campuchia, kruanh dak Nguyễn Xuân Phúc lĕ geh rơh tâm nchră đah kruanh Thượng viện Campuchia Say Chum. ta rơh tâm nchră, bar hê nuĭh leo kan rhơn uănh saơ, tâm rnôk geh nuh srê Covid-19 ntưp rêng âk, tâm kơl đah bar dak hôm nha geh mât nău hun hao ueh ta lĕ rngôch ăp ntŭk kan n’hanh tâm lĕ rngôch nău kan.

Tâm mbơh mpeh ntrong kan n’hao tâm kơl tâm let năp tay, bar ding tâm ban ŭch ntrôl mbơh ăp ntŭk kan lập pháp 2 dak an geh kơl tay n’hanh njêng nău kan pháp lý dơh nơih lơn tâm nău n’hao tâm rgop wăng sa, tăch rgâl, ntuh kơl, ntrôl tâm nđŭr ƀon lan, ngăn lah rơh mom n’hanh tâm kơl đah ăp ntŭk, ngăn lah ăp n’gor dăch n’har  bâh bar dak, tâm rgop ƀư ueh ăp nău kan vơt rhơn “Năm tâm rnglăp Việt Nam- Campuchia, Campuchia-Việt Nam 2022 n’hanh kahgĭt 55 năm nar njêng tâm boh kan đah bar dak 24/6/1967-24/6/2022.

Nuĭh rblang: Thị Đoắt