VOV4.Mnông- Nar 26/12, ta Hà nội lĕ geh ƀư Đại hội Đại biểu Luật sư lam dak tal 13. Tât râng n’hanh ntoh ngơi ta Đại hội, kruanh dak Nguyễn Xuân Phúc lĕ rnê, uănh năl âk mpôl luật sư bâh lam dak lĕ geh âk nău nsrôih tâm nău kan, ntop kan, ntop mât nău tâm ban, ăp nău dơi đăp mpăn, ƀon lan ƀư tơm bâh ƀon lan, nău dơi, nău geh tâm di bâh ăp nuĭh kan, ntŭk kan, ntop ta nău hun hao wăng sa rêh jêng bâh neh dak, rgâl mhe tư pháp, rdâk njêng n’hanh ƀư lôch ngih dak pháp quyền XHCN Việt Nam. Kruanh dak an gĭt, Đảng, ngih dak way geh mât kơl rdâk njêng mpôl kan luật sư, hun hao nđâp mpeh rnoh n’hanh nău dơi pah kan.

Rlău ma nĕ, luật sư an geh kan tâm di, na nê̆, ryơk mpư nău ngăn, ƀư tĭng Hiến pháp, pháp luật, ƀư tĭng nău mĭn kan tĭng nău geh kan nơm tâm lĕ nău pah kan. Luật sư geh nău kan tơm n’hanh dơn kan mât ueh ngăn nău dơi, nău geh tâm di bâh ƀon lan, ntŭk leo kan, nkre lah geh mât pháp chế xã hội chủ nghĩa, mât nău dơi geh tâm di bâh Ngih dak.

Nuĭh rblang: Thị Đoắt