VOV4.M'nông: Kêng măng 6/12, ta Nhih pah kan kruanh dak, Kruanh dak Nguyễn Xuân Phúc hŏ wơt Kruanh Quốc hội Lào Saysomphone Phomvihane nkhêp geh păng leo mpôl ntơh măt gưl têh Quốc hội Lào hăn khâl ngăn Việt Nam. Ta rơh wơt, Kruanh dak Nguyễn Xuân Phúc rnê âk lôch jêh geh tâm nchră đah Quốc hội Lào Saysomphone Phomvihane đah kruanh Quốc hội Việt Nam Vương Đình Huệ. Nkoch đah Lào mpeh ăp ntul rlong aƀaơ, lơn lah ăp jêr jŏt tă bah Covid-19, Kruanh dak Nguyễn Xuân Phúc rnê âk ăp nhih pah kan dơi kan bar dak hŏ tâm rgop kan nsum geh nău tam, êt lhăt rdâng lơh nuh srê n'hanh ân ƀư tay tâm let năp tay. Kruanh dak lah rjăp trong kan mô rgâl bah Việt Nam lah an ƀư lor n'hanh hun hao tâm boh tâm rnglăp mha êng Việt Nam- Lào. Bar dak way lah ăp băl mpôl du ntôr hăn, oh nô, "du găr phe tâm pă du gâl, du nkong biăp tâm koh n'gul". Kruanh dak dăn đă bar Đảng, bar Ngih dak n'hanh ƀon lan bar dak ntrŭt ntrôl tâm boh bar dak; kan nsum nchrăp uĕh nkô̆ an rơh tâm mâp way ăp năm bar Bộ Chính trị n'hanh Rơh hop tâl 44 Ủy ban bar Chính phủ Việt Nam – Lào.

Nuĭh rblang: Điểu Thân