VOV4.Mnông- Ôi nar 8/12, n’gor Hà Giang ƀư rơh kahgĭt 130 năm nar njêng n’gor 20/8/1891- 20/8/2021, 30 năm njêng tay n’gor n’hanh 60 năm wa Hồ tât khâl Hà Giang. Kruanh dak Nguyễn Xuân Phúc râng rơh kahgĭt lĕ lah na nê̆ nkual neh Hà Giang lah ntŭk geh ntŭk kan khlăy, ntŭk n’har bri bôk tơm bâh neh dak. Nău mĭn bâh kon nuĭh Hà Giang lah nău mĭn bâh lĕ rngôch mpôl rnoi Việt Nam. Đah nău ŭch hun hao ma Hà Giang dơi geh mbơh ta Đại hội Đảng bộ n’gor tal 17, nĕ lah rdâk njêng Hà Giang jêng n’gor hun hao mpeh pâl nđaih, tăch rgâl, mbơh nău kan n’hanh tuch tăm ndơ geh tăch rgâl, tât năm 2030 lah n’gor geh nău wăng sa- rêh jêng hun hao ueh tâm nkual trung du mpeh Bắc, tât năm 2045 lah n’gor geh nău wăng sa- rêh jêng geh mbơm tâm lam dak, kruanh dak Nguyễn Xuân Phúc dăn đă, n’gor an geh joi gĭt nău kan n’hanh nău nsrôih hun hao nău wăng sa mhe bâh n’hao ăp nău dơi n’hanh nău geh êng, an lor ăp nău kơl rnă njrăng, nău rêh jêng, ƀư tĭng nău kơl n’huch ach o, n’hao ntuh kơl an ntĭm nti, mât chăm dak si, pă nău kan an ƀon lan dŭt ueh.

Nuĭh rblang: Thị Đoắt